المشهد الثاني : مكتب يجلس عليه المشرف الاجنماعي وبجانبه كرسيان
يدخل أبراهيم على المشرف الاجتماعي مسلما
المشرف الاجتماعي : هلا و عليكم السلام أنت أبو أحمد .
أبراهيم : بلى انا أبوه .
المشرف : هذا ولدك مذنا كل مشاكل وينكم عنه كل هل المدة .
ابراهيم : انا وينه عنه يا استاذ هذا حتى انا مآذني من يوم رافق شلة الحوطة خلاص فلت من ايدي ما اقدر اسيطر عليه .
المشرف ( يستلم ملف ويضعه فوق الطاولة ) : شوف .. شوف ويش سوه ولدك هذا الملف كله اوراق و تقارير عن مخالفات ولدك السلوكية ما خله طالب الا تهاوش وياه .. المدرسين كلهم متضايقيين منه من اول السنة الى الحين ما دري شلون صابرين عليه .
عاد هل المرة صدناه في الحمام يدخن بروحه واكتشفنا عنده قوطي جقارة .
ابراهيم : مرة وحدة يدخن !!
المشرف : هذا غير الاصوات اللى يطلعها اثناء مايشرح المدرس مرة كان يقلد صوت الحمار مرة مدرس اشتكى عليه انه يطلع صوت الماعز ومرة مدرس اشتكى عليه انه يقول هو هو يعني يقلد صوت الكلب ومرة يقلد صوت السنورة يقول ميو ميو أما اذا خفف بالمرة وصار وديع يطلع صوت العصفور يعني يصاوي !!
ابراهيم : بي كل هذا يطلع من ولدي كأنه مو مربى في بيت كأنه مربى في حديقة حيوانات !!
المشرف : أي هذا ولدك كل شئ اتوقع منه .. عاد ياحجي التفت تالى ولدك لانه مستقبله بيضيع اذا واصل على هل المنوال .
( يدخل أحمد )
المشرف : ها أكو جه بعد .. على كل الحين احنا بنوقف أحمد 3 أيام عن المدرسة كعقاب اليه . واذا رد مارس نفس الاساليب احتمال توصل الأمور الى الفصل من المدرسة .
أحمد ( فرحا ) هي .. أجازة .. أجازة 3 أيام وينك ياعيسوه 3 أيام بقعد ويالك ويه الشلة .
أبراهيم ( غاضبا على ولده ) يا أسود الوجه بيوقفونك عن مدرستك و فرحان بعد منت فالح في شئ الله يغربلك من ولدك .. خله يرجع أخوك من السفر و بيراويك ويش يسوي فيك .
أحمد ( راكضا ) : اجازة .. أجازة !!
[/size]
موضوع: المشهد 2 من مسرحية بر الوالدين 
الإثنين يونيو 21, 2010 8:09 am
