.tylos
عزيزي الطالب لا تكن سلبيا اثناء زيارتك للمنتدى ساهم بالمشاركة في المواضيع المطروحة من اجل رفع مستواك التعليمي

.tylos

منتدى يهتم بشكل أساسي بالأمور التعليمية لطلبة الصفي الخامس والسادس الابتدائيين في مادتي الاجتماعيات و التربية للمواطنة
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 المشهد 2 من مسرحية حجي محمد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 406
تاريخ التسجيل : 31/05/2010

مُساهمةموضوع: المشهد 2 من مسرحية حجي محمد    الخميس نوفمبر 04, 2010 1:11 pm

***************************************************
المشهد الثاني : الاب مع الابن ياكلان و معهم اخوة صغار
*************************************************

حجي محمد : يا ولدي ترى باقي شوي و ياذن خلنا ناكل السحور بسرعة و بعدين انتة روح صل في المسجد جماعة ترى هذا شهر رمضان لا تفوتك الصلاة ها
علي : زين ابوي بس بخلص الاكل و بروح اصلي بس الحين بروح الغرفة ..

علي يرتب سريرة و يقول لنفسه :

انا الحين بروح اصلي المسجد لكن اوه انا تعبان لا لا كلها ثلث ساعة بروح او برجع الثواب مضعاعف الحين مثل ما قال ابوي معقولة افوت كل هل الثواب في شهر رمضان و في اول يوم .

يخرج ويرى رجل يرتدي ملابس الشيطان يقول له :

هلو هلو علي شخبارك
علي (( خائف )) : انت منهو ؟؟
الشيطان : ما عليك مني انا احبك احب ر احتك !
علي : شنو تبي أنت شنو تبي أنت أصلا شكلك يخوف .
الشيطان : لا ما عليك أنا جاي أنصحك أنا أحبك .. أنت بعدك تفكر تروح المسجد ؟.

علي : أي أبوي قال الصلاة في المسجد جماعة ليها أجر و ثواب كبير واجد واجد .
الشيطان : زين ماعليه كلام أبوك صح لكن أنت تعبان ليش ما تنام شوي تريح عافيتك بعدين تروح المسجد طالع باقي ربع ساعة و يأذن شتسوي تروح من الحين بتروح تفتح المسجد أصلا ما في أحد هناك .
علي : لكن اذا نمت أخاف ما أقعد للصلاة
الشيطان : لا .. لا تخاف أنا بقعدك بس أنت نام ولا عليك .
يلله يلله تفضل أستريح .

( علي للنوم )

الشيطان : نام ... نام أستريح أي شذي عجيب .. أرتاح .. أرتاح .

( صوت الآذان )

علي : أكو الآذان يأذن يلله خلني أروح أصلي .
الشيطان : لا .. لا تروح من الحين ياالغبي الحين توه فاتحين المسجد و أصلا الشيخ اللي يصلي جماعة ما يجئ الا بعد نصف ساعة نام ليك شوي بعدين بتلحق


( صوت آذان الجماعة قد قامت الصلاة )

علي : أوه أكو الناس بتصلي و بعدي نايم . يلله خلني أروح بسرعة يمكن ألحق .

الشيطان : أما أنت صدق غبي وين تلحق الحين صلاة الصبح كلها ركعتين الحين بتقعد تشادخ في عمرك عشان توصل المسجد و بتلاقيهم خلصوا .. يا حبيبي صلاة الجماعة الا هي مستحبة وانت تعبان صل في البيت احسن ليك .
علي : أوه بقوم أصلي هني .
الشيطان : وليش تصلي الحين أنت بعد الشمس باقي عليها ساعة و نصف عشان تطلع و أنت بعدك تعبان يلله نام ليك ساعة و بعدين قوم صل على راحتك .أنت أول ردي فاتك أجر ثواب صلاة الجماعة .
علي : زين بنام شوي آه .
الشيطان : أي زين ... زين خوش ولد أنت مطيع و حبوب أنت واجد زين أنت .

( علي و الشمس قد طلعت ) : هذا وي .. هذا وي أكو الشمس طلعت و بعدي ما صليت .
( يركض بأتجاه المغسلة للوضوء )

علي صارخا بوجه الشيطان : أنت مو قلت ليي أنك بتقعدني ليش ما قعدتني ؟؟؟

الشيطان : أنا ما قعدتك يا الخيبة أنت كل ما أحاول أقعدك ما تسمع أنت تحب النوم يا أبو النوم .

علي : أوه أنت لا قعدتني و لاشئ يا لكذاب خلني أروح أصلي .
علي ( يصلي )
الشيطان : يلله بسرعة صل .. صل بسرعة عشان من تخلص من الصلاة تقرأ القرآن ترى أجر قراءة القرآن في الشهر واجد كبيرة .
( يصلي علي بسرعة )
علي : السلام عليكم و رحمة .....
الشيطان مقاطعا : يلله بس خلاص ... خلاص ما يحتاج تكمل ورحمة الله و بركاته مستحبة هذي .
علي : انزين الحين بقول دعاء .
الشيطان : يلله عاد لاتتعب روحك و اجد ترى قراءة القرآن في هل الشهر ليها أجر كبير أكبر من التسبيحات ما سمعت الحديث اللي يقول اللي يقرأ آية في هل الشهر كأنه ختم القرآن .
علي : أي و الله كلامك صدق .
الشيطان : يلله ... يلله أفتح القرآن و أقرأ بسرعة عشان تحصل ثواب و اجد مثل ما قال أبوك .

( علي يقرأ القرآن ) .

الشيطان : هذا شنو شذي يقرأون القرآن شنو قاعد تسوي شي أنت تنقي حب و الله تمشي على بيض .

علي : شنو تباني أسوي بعد ؟؟
الشيطان : أقرأ بسرعة ... سرع .. سرع عشان تحصل على ثواب أكبر .

( يقرأ علي القرآن بسرعة )

أوه تعبت ... ( يغلق القرآن )

الشيطان : ها أنا عندي ليك اقتراح يالحلو مدام أنت تعبت ليش تواصل و تعب روحك بعد يلله قوم .. قوم بسرعة عشان ما تستمل .
علي : بس الثواب بيفوتني و انا وعدت ابوي أختم كل يوم جزء من القرآن .
الشيطان : لا ولا يهمك يالحبيب بتحصل على الثواب لا حقين عليه ترى الثواب ما يضيع أنت قوم شوي التلفزيون و شوي أفتح الللابتوب مالك بعدين بتصير واجد واجد نشيط و بترجع عشان تقرأ القرآن و أنت مستانس .
علي : لا أنت شذي رأيك .
الشيطان : أي .. أي صدقني بتستانس و بعدين بتقرأ القرآن بكل راحة . يلله انا بروح عنك الحين .

يمشي قليلا ثم يقول : أقول حبوب و أذا تقدر تطلع ويه جماعة حمود شوي تروح عن نفسك أحسن بعد .... ها زين يلله باي .. باي .

يضحك بصوت عال وهو منصرف .

علي يجلس أمام التلفاز .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tylos.mam9.com
sim)المشا(9)غب(jas
عضو نشيط جدا
عضو نشيط جدا


عدد المساهمات : 488
تاريخ التسجيل : 14/06/2010
العمر : 18

مُساهمةموضوع: رد: المشهد 2 من مسرحية حجي محمد    الخميس نوفمبر 04, 2010 3:42 pm

مشكوووور










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جعفري اصيل
عضو نشيط جدا
عضو نشيط جدا


عدد المساهمات : 416
تاريخ التسجيل : 07/06/2010
العمر : 18
الموقع : تايلوس

مُساهمةموضوع: رد: المشهد 2 من مسرحية حجي محمد    الخميس نوفمبر 04, 2010 4:26 pm

ِِشكرا ع الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ولد الشوفة
عضو نشيط جدا
عضو نشيط جدا


عدد المساهمات : 546
تاريخ التسجيل : 06/06/2010
العمر : 18

مُساهمةموضوع: رد: المشهد 2 من مسرحية حجي محمد    السبت نوفمبر 13, 2010 8:05 am

مشكوووووووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
المشهد 2 من مسرحية حجي محمد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.tylos :: قسم المسرح-
انتقل الى: